四川菜大平伙 (已結業)

呢間私房菜系餐廳同時亦都係畫廊同藝術館，好有藝術同文化氣息。裡面係中式傳統餐館嘅裝修同佈置，唔知點解睇落覺得好似外國唐人街嘅餐廳。我地叫左個中午二人套餐，因為我同朋友都唔係太食得辣，所以特別叫左所有菜嘅辣度係少辣。前菜有青瓜、花生同鵪鶉蛋。夫妻肺片牛舌同肺片都係薄切，一d都唔韌，件件都好入味，味道亦唔會太辣。蕃茄湯例湯係蕃茄蛋花湯，而且無加到糖，所以好有蕃茄酸酸地嘅個種鮮味。回鍋肉回鍋肉嘅豬腩肉肥瘦幾適中，而且個汁調得好好味，另外又加左好多椰菜一齊炒，D菜都炒得好入味，一路食唔停！麻婆豆腐豆腐幾大粒，唔會碎曬，口感軟滑，醬料亦都夠辣，非常惹味，用來送飯好適合！娃娃菜食左咁多濃味嘅野，一定要有道青菜可以中和返，淡淡嘅清湯更加特顯到娃娃菜嘅清甜。