影片
更多
2019-07-23
223 瀏覽
一年一度嘅書展又黎喇，每年都會去搏殺嘅我，今年都唔例外，行完書展梗係要醫下肚，朋友想打邊爐，見天氣濕濕地不如就食下辣啦。 餐廳雖然主打四川菜，但亦有唔辣嘅湯底揀， 店員都提議我地如果揀唔辣嘅湯底，可以打邊爐前飲碗湯，之後先開始打邊爐，但喜愛食辣嘅我地，當然係揀麻辣湯底啦。 火鍋配料有多種選擇，而多數配料都可以選擇半份，岩晒我地可以試多d唔同嘅配料。另外每樣配料旁邊都有一個淥嘅參考時間，咁就唔駛驚淥得太熟啦。 落單後湯底好快就送到，上枱時真係非常震撼，因為除咗個鍋面積大之餘，面頭亦鋪滿大量辣椒，真係望到都覺得相當辣。 用湯殼隨手一撈，已經可以撈到大量辣椒及花椒，相當足料，而老闆亦同我地講湯底完全根據四川口味，連辣椒都係由四川運落黎， 可以話係非常正宗。我地雖然叫左小辣，但辣椒會隨住時間不停滲出味道，令湯底越黎越辣，所以我地食到中途都要開始撈走部份辣椒，以免太辣食唔到。 醬料吧有多款唔同嘅醬料選擇，可以話係應有盡有。菜肉雲吞 :一份有八隻，雲吞皮呈微綠色，餡係白菜、韭菜及豬肉，比例剛剛好，入口香味十足，味道鮮甜。手工豬肉丸 :叫左半份豬肉丸，賣相非常精緻，豬肉丸以青瓜墊住，唔駛驚黏底。豬肉
餐廳雖然主打四川菜，但亦有唔辣嘅湯底揀， 店員都提議我地如果揀唔辣嘅湯底，可以打邊爐前飲碗湯，之後先開始打邊爐，但喜愛食辣嘅我地，當然係揀麻辣湯底啦。
火鍋配料有多種選擇，而多數配料都可以選擇半份，岩晒我地可以試多d唔同嘅配料。另外每樣配料旁邊都有一個淥嘅參考時間，咁就唔駛驚淥得太熟啦。
落單後湯底好快就送到，上枱時真係非常震撼，因為除咗個鍋面積大之餘，面頭亦鋪滿大量辣椒，真係望到都覺得相當辣。
用湯殼隨手一撈，已經可以撈到大量辣椒及花椒，相當足料，而老闆亦同我地講湯底完全根據四川口味，連辣椒都係由四川運落黎， 可以話係非常正宗。我地雖然叫左小辣，但辣椒會隨住時間不停滲出味道，令湯底越黎越辣，所以我地食到中途都要開始撈走部份辣椒，以免太辣食唔到。
醬料吧有多款唔同嘅醬料選擇，可以話係應有盡有。
菜肉雲吞 :一份有八隻，雲吞皮呈微綠色，餡係白菜、韭菜及豬肉，比例剛剛好，入口香味十足，味道鮮甜。
手工豬肉丸 :叫左半份豬肉丸，賣相非常精緻，豬肉丸以青瓜墊住，唔駛驚黏底。豬肉丸入口彈牙有咬口，唔會太多粉，淥得耐都唔會太老。
碼頭三秒海帶 :呢樣係餐廳招牌菜，顧名思義放落湯淥三秒就食得，沾滿麻辣湯嘅海帶，入口依然爽口，較響鈴更勝一籌。
手工特級蝦滑 :蝦滑加咗蟹籽，令賣相更靚，入口爽口彈牙，鮮蝦味十足。
紅薯粉:
食麻辣火鍋點少得好薯粉？同一般食到嘅紅薯粉唔同，呢度嘅紅薯粉非常扁身，可以吸收更多嘅辣湯，份外美味。
麻辣火鍋梗係要揀d吸收湯嘅蔬菜，蘿蔔鮮甜無渣，薯仔煮一陣就淋，吸收左辣湯後非常惹味，感覺好滿足。呢度嘅麻辣火鍋真係辣得過癮，下次多d人黎就可以試到更多野食了。
張貼
