影片
更多
2024-07-26
847 瀏覽
喜歡食串燒，皆因一串串不會太heavy，可以試盡唔同款式😆日式、港式串燒店就見得多，灣仔近銅鑼灣嘅呢間川燒串燒·酒埸就比較有特色，集合四川同日式串燒，仲有唔少鍋物、小食、清酒、啤酒🍻適合不同人口味，每種都叫啲，食得更盡興🤪🍘燒一口脆腐乳好好奇腐乳點樣變成串燒呢？原來係豆卜唧入腐乳醬。咬開脆卜卜嘅豆卜就食到爆漿腐乳💦鹹香衝擊嘅味道令人流晒口水，幾得意可以試吓😛😛🤍燒蘇格蘭蟶子皇每日會有不同時令海鮮串燒。蟶子皇認真大隻😍好新鮮無沙，加上蒜蓉醬好惹味。🐚辣酒煮東風螺充滿大排檔風味嘅東風螺呢度都有得食，見到紅彤彤嘅辣油就知唔嘢少😏螺肉份量多，好彈牙，索滿香辣嘅湯汁，好過癮😋😋🥓燒黑豚芝士五花腩五花腩幾爽彈，加上燒溶芝士好惹味😚🥩野椒汁燒牛小排、香蒜蔥油薄切牛脷牛肉類都好食😋牛小排好嫩，叫咗半份唔夠喉，叫一份會好啲🤣牛脷充滿蔥蒜香氣。🥩日本燒雞胸軟骨串、日本雞皮串、燒雞軟骨經典日式燒鳥，三款都好香口，雞皮尤其香脆🥳🥖燒法式鵝肝多士超邪惡嘅款式😈鵝肝夠哂厚，未係入口即溶但都幾肥美😙🍲壽喜燒牛肉鍋鍋物都有日式同四川風味選擇。牛肉好軟滑。配料有豆腐、娃娃菜、大蔥、油揚。另有麻辣牛肉鍋同麻辣鴨血鍋都好吸
🍘燒一口脆腐乳
好好奇腐乳點樣變成串燒呢？原來係豆卜唧入腐乳醬。咬開脆卜卜嘅豆卜就食到爆漿腐乳💦鹹香衝擊嘅味道令人流晒口水，幾得意可以試吓😛😛
🤍燒蘇格蘭蟶子皇
每日會有不同時令海鮮串燒。蟶子皇認真大隻😍好新鮮無沙，加上蒜蓉醬好惹味。
🐚辣酒煮東風螺
充滿大排檔風味嘅東風螺呢度都有得食，見到紅彤彤嘅辣油就知唔嘢少😏螺肉份量多，好彈牙，索滿香辣嘅湯汁，好過癮😋😋
🥓燒黑豚芝士五花腩
五花腩幾爽彈，加上燒溶芝士好惹味😚
🥩野椒汁燒牛小排、香蒜蔥油薄切牛脷
牛肉類都好食😋牛小排好嫩，叫咗半份唔夠喉，叫一份會好啲🤣牛脷充滿蔥蒜香氣。
🥩日本燒雞胸軟骨串、日本雞皮串、燒雞軟骨
經典日式燒鳥，三款都好香口，雞皮尤其香脆🥳
🥖燒法式鵝肝多士
超邪惡嘅款式😈鵝肝夠哂厚，未係入口即溶但都幾肥美😙
🍲壽喜燒牛肉鍋
鍋物都有日式同四川風味選擇。牛肉好軟滑。配料有豆腐、娃娃菜、大蔥、油揚。另有麻辣牛肉鍋同麻辣鴨血鍋都好吸引🤩
🧀燒芝士翠肉瓜、黑松露芝士牛油焗雜菇
翠玉瓜好juicy💦焗雜菇份量好大😂鋪滿拉絲芝士，淨係食芝士都正🤪
🍑日本桃雪葩
桃味雪葩放入原個日本桃內，賣相好吸引😻雪葩超清爽，即時膩感同暑氣全消😮💨另有原個蘋果同菠蘿雪葩。
人均消費：$480
推介指數（10分為滿分）：8分
張貼
