影片
更多
2007-05-02
9 瀏覽
原本開開心心去食飯, 點知既唔飽又一肚氣咁走...一去到間酒樓,見到裝修幾靚, 好自然對食物都有一定期望. 望下個餐牌, 選擇唔多. 1. 成個餐牌得2個疏菜, 一個魚腐浸時菜, 一個招牌蕭氏浸時疏, waitress話無魚腐, 即係無選擇. 算吧~2. 係呢個web見大家話河粉ok, 又無. 算吧~3. 係呢個web見大家話小炒王ok, 都係無. 算吧~(唔通晚晚菜式都唔同? 如果係就真係太“靈活”喇…)心諗有質素就可以. 我地5個人, order咗5樣餐牌上"推介*"菜式, 另加壽包:1. 海蜇拼燒腩仔* --> 本身燒腩仔ok, 但係海蜇汁“淹沒”咗d燒腩仔, 溝埋d味怪怪地…$78一碟, 有8粒燒腩仔(大小如女仔姆指頭), 平均$10一粒, 抵食與否見仁見智!!2. 炆南瓜* --> 等左120分鐘都未到, 取消咗!!3. 雲吞咕嚕肉* --> 炸雲吞ok, 咕嚕肉柴皮, 唔得!!4. 招牌蕭氏浸時疏* --> 即係大頭菜瘦肉煮菜心, 味道可以, 每人可獲分配菜心2大條~5. 醬爆牛柳粒雞軟骨* --> 牛柳粒勁落鬆肉粉, 霉到呢…6.
一去到間酒樓,見到裝修幾靚, 好自然對食物都有一定期望. 望下個餐牌, 選擇唔多.
1. 成個餐牌得2個疏菜, 一個魚腐浸時菜, 一個招牌蕭氏浸時疏, waitress話無魚腐, 即係無選擇. 算吧~
2. 係呢個web見大家話河粉ok, 又無. 算吧~
3. 係呢個web見大家話小炒王ok, 都係無. 算吧~
(唔通晚晚菜式都唔同? 如果係就真係太“靈活”喇…)
心諗有質素就可以. 我地5個人, order咗5樣餐牌上"推介*"菜式, 另加壽包:
1. 海蜇拼燒腩仔* --> 本身燒腩仔ok, 但係海蜇汁“淹沒”咗d燒腩仔, 溝埋d味怪怪地…$78一碟, 有8粒燒腩仔(大小如女仔姆指頭), 平均$10一粒, 抵食與否見仁見智!!
2. 炆南瓜* --> 等左120分鐘都未到, 取消咗!!
3. 雲吞咕嚕肉* --> 炸雲吞ok, 咕嚕肉柴皮, 唔得!!
4. 招牌蕭氏浸時疏* --> 即係大頭菜瘦肉煮菜心, 味道可以, 每人可獲分配菜心2大條~
5. 醬爆牛柳粒雞軟骨* --> 牛柳粒勁落鬆肉粉, 霉到呢…
6. 壽包--> 個包實在…硬!!
餐飯食咗2個半鐘, 食得比法國菜還要“享受”. 試想想, 頭4個菜, 逐碟上(細細碟但係成枱人食), 每碟等20分鐘(即係第4碟嚟到已經係個半鐘後)…第5碟炆南瓜…實在等唔到…取消咗!!
期間叫白飯同白粥…半個鐘後先有飯, 經過多次催促一個鐘後話無粥!!!(反應真快...) 而上飯0既時間, waitress就似乎好有“經驗”咁比埋個蓋我地蓋住d飯, 好似預咗有排等-_-“眼見周圍幾張枱係我地剛剛坐低0既時候已經開始食, 但係2個半鐘後都一樣催緊菜…隔離枱order咗蝦又話唔新鮮要換.. 睇嚟問題唔只在於一兩枱…
最後有糖水同甜品送. 桂花糕好味, 桂花糖水好靚但係太甜. 埋單約$500, 無人有飽的感覺. 總括而言, 絕對唔推介呢度食, 除非一班朋友志在傾計, 既唔肚餓, 又唔介意物"無"所值, 亦享受以食法國菜速度食中菜的話就可以一試.
張貼