影片
更多
2015-12-08
5467 瀏覽
今年提早興祝聖誕，就試下珀麗自助晚餐，而且openrice最近有列印優惠卷7折，折後每人大約三百，價錢可接受。餐廳對比其他酒店地方唔大，但環境光亮，收盤服務算快，不過每張檯都貼得好近，行出行入都要互相將就。食物方面都算多選擇，今期有羊腩煲，肉都算多，枝竹好少。仲有德國芝士，不過要等廚師係度先有得食，所以都見到每次有人排隊。門口位已經有海鮮食品，每次都好快冇蟹腳，不過都補得好快，蟹腳夠鮮甜，屋企人都好鍾意，其他海鮮選擇有花螺、青口、蝦、魷魚圈同埋即開生蠔(要排隊，而且每次只限取兩隻)。另外仲有聖子熱盆，好好食，每次一出都好快冇晒。至於其他熱盆都唔錯。有一區炸物區，煎炸都有，炸蝦同茄子必食！除此之外仲有串燒區，仲有廚師即場燒。甜品方面，雖然地方不大，但款式不少，特別推介焦糖蛋、紅豆糕！食自助餐最後滿足一定唔會少得食雪糕，依度雪糕誠意十足，幾多5星級唔知俾咩牌子雪糕，但依度係用Movenpick雪糕，而且仲有杏片，朱古力餅碎等等比你自己加。當晚仲有抽獎活動每檯有一次抽獎機會，我地抽中午餐卷折扣，只可一位使用，吸引不大，有其他檯抽中細樽紅酒。整體黎講算不錯，食物品質可見誠意度高，奧運站步行十
今年提早興祝聖誕，就試下珀麗自助晚餐，而且openrice最近有列印優惠卷7折，折後每人大約三百，價錢可接受。餐廳對比其他酒店地方唔大，但環境光亮，收盤服務算快，不過每張檯都貼得好近，行出行入都要互相將就。
食物方面都算多選擇，今期有羊腩煲，肉都算多，枝竹好少。
仲有德國芝士，不過要等廚師係度先有得食，所以都見到每次有人排隊。
門口位已經有海鮮食品，每次都好快冇蟹腳，不過都補得好快，蟹腳夠鮮甜，屋企人都好鍾意，其他海鮮選擇有花螺、青口、蝦、魷魚圈同埋即開生蠔(要排隊，而且每次只限取兩隻)。
另外仲有聖子熱盆，好好食，每次一出都好快冇晒。至於其他熱盆都唔錯。有一區炸物區，煎炸都有，炸蝦同茄子必食！除此之外仲有串燒區，仲有廚師即場燒。
甜品方面，雖然地方不大，但款式不少，特別推介焦糖蛋、紅豆糕！
食自助餐最後滿足一定唔會少得食雪糕，依度雪糕誠意十足，幾多5星級唔知俾咩牌子雪糕，但依度係用Movenpick雪糕，而且仲有杏片，朱古力餅碎等等比你自己加。
當晚仲有抽獎活動每檯有一次抽獎機會，我地抽中午餐卷折扣，只可一位使用，吸引不大，有其他檯抽中細樽紅酒。整體黎講算不錯，食物品質可見誠意度高，奧運站步行十多公鐘，交通還好。
張貼
