意粉廚房

營業中

休息中

諗住喺酒店入邊嘅餐廳水準都應該唔會太差，雖然係四星級嘅酒店，但係食物就冇四星嘅質素啦！裝修簡陋，座位安排比較迫，一睇餐牌發現價錢都唔平，有八十幾至到百幾蚊不等。但係標榜湯任飲，咖啡奶茶自助添飲，感覺上又真係冇咁貴啦！有兩款湯中式同埋忌廉蘑菇湯，兩款湯就好似茶餐廳嘅例湯，一係太鹹一係就太淡。茄汁海鮮意粉賣相就唔錯啦，蝦的雪味太多，龍利魚柳偏硬。蜜糖芥末汁雞扒個樣睇落去好大塊，但係就係好薄身，實際份量同普通雞扒餐差唔多，冇乜蜜糖冇乜芥末味。紅酒燴牛肋排差唔多20分鐘先煮好，但係呢一個有心機煮出嚟嘅餸就真係最好食啦，牛肋又淋又入味。呢個價錢來講性價比比較低。