蝦蝦燒

營業中

休息中

朋友想試依間蝦蝦燒、一早訂位！有一串白鱔送！上到去勁多人！勁迫！勁熱！疫情下真係驚驚地！一開爐職員就放左堆鹽焗蝦係爐面、一睇就知係死左既蝦唔浪費、等你地食一輪先！不出我所料、蝦肉梅梅地！出面都算幾多海鮮！但咁多人食、仲要放題、你唔好唸佢地既海鮮一定係新鮮來貨！扇貝係凍肉貨、肉係唔痴殼！大眼雞都睇得出唔係街市既新鮮貨試！送既鱔算唔錯、但經處理過、唔係新鮮白鱔既鮮味口感！可能我地真係應該主攻魚缸內既鮮蝦！睇住d蝦好可愛咁游來游去！真係唔忍心燒佢！怪我太仁慈！其他食物都係大路BBQ貨式！全晚最好食朋友首推蒜蓉包、乾尤魚！其他食物都係普普通通！飲品都係好出式！應有盡有！有「氣」系列既支裝飲品！兩個半鐘好快過！如果比四百蚊去食、真係要三思！我覺得只值$250-300！職員係值得加許！為我地剪鮑魚同換碗碟換得好快！但應該無下次！