炊豕店 (威靈頓街) (已結業)

好耐冇食過台灣嘢食喇，今次同我台灣之旅嘅朋友仔去重溫台灣之旅嘅感覺。兩位大小姐話就話接我放工，但依舊不改遲到本色！我地黎咗呢間炊豕店，店舖面積頗大，很寬敞。店內嘅裝修好有復古懷舊風格！用嘅係木檯同埋以前中學嘅書檯。連牆上都掛滿八九十年代嘅報紙同埋海報，細看之下，內容竟是舊時香港報導。這令顧客彷彿置身於過去，回到那時的台灣和香港。我地3個人嗌咗2個主食同埋幾個小食。辣味海蜇呢一道菜係我好鍾意食嘅一道菜，佢嘅辣味適中而且好爽口。係豬扒飯呀！我地加咗炒滑蛋，覺得即刻香口咗好多！肉燥飯嘅醬汁好多！唔會覺得好乾，因為2個飯，分享完撈埋一齊好香肉燥味。雞翼即叫即炸，好香口，外脆內暖。仲有微微焦嘅芝麻味。正。