羅麥記 (已結業)

同親愛的去希慎行街濕平，行到甘上下肚餓搵野食，唔想食foodcourt,於是上多幾層睇，上到15/F見到呢間裝修幾得意，價錢又相宜無加一，又岩我地口味，入去甘岩仲有卡座坐。睇menu見到個都幾正於是叫左：避風塘炒麵 （$65）帶小辣，炒得唔油手勢唔錯，將麵同麵上既香脆配料撈勻食好正，有口感之餘又惹味！ 下次再嚟要翻啅！真蜜豬手 （$48）豬手係燒的，所以皮比較煙韌，用真蜜調味所以味道帶甜。骨膠原多，所以親愛的食晒。麥sir乳鴿仔 （$55）見$55隻好抵，比想像中大隻，炸得好香脆，肉質亦唔乾，呢個價抵食既。之後叫多杯凍檸茶 （$10跟餐）服務：店員有禮貌，上菜快。