和氣食堂 (黃大仙中心南館)

營業中

休息中

好耐無去黃大仙中心覓食，今次陪媽咪故地重遊。雖然黃大仙中心食肆林立，總是心思思要回味一番之前曾經去過的一間日本料理和氣食堂,門外經常齊滿食客，原因街坊價錢，食物有質素。4點刺身盛B有海膽、三文魚刺身、鯛魚刺身和兩隻巳脫殼的大蝦刺身，都鮮甜無比。香芒燻鴨胸沙律，互相輝映，鹹甜交織，時令芒果甜入心、鴨胸燻得夠味又腍嫩。鯛魚湯泡飯食法好講究，先將鯛魚刺身舖在一粒粒肥喐喐的日本飯上，才加上滾熱辣的魚湯將鯛魚浸熟；另附有3小碟配料隨客人喜好而加入飯內可増加湯飯鮮甜味。千回火鳥是雞翼，皮脆肉嫩但略嫌淡些。飯後甜點是抺茶雪糕茶味濃厚，伴煙韌糯米糍，特濃牛奶雪糕伴粒粒紅豆，同樣質感幼滑各具滋味。