影片
更多
2018-01-13
1165 瀏覽
記得前年嘅好姊妹聖誕聚，一行五人，選了去銅鑼灣金朝陽中心二期嘅「王家沙花樣年華」吃新派滬菜慶祝。早前從友人口中得知，「王家沙」喺紅磡開左新分店，兩口子一向愛吃上海菜，所以趁周五有空，下班後就一於拉埋老公過去開餐。新舖座落於黃埔新天地享膳坊，餐廳跟銅鑼灣店一樣，走年輕人路線，門面以半落地玻璃作設計，光猛開揚，感覺通爽不逼。入面嘅花花牆身飾有雀鳥和蝴蝶，以突出花樣年華的主題，配上一室舒服的梳化座椅，裝潢既高貴又優雅，令人耳目一新。安座後先拿起點菜紙逐一細看，項目包括有涼菜、點心、湯羹、小菜、江河海鮮、飯麵、蔬菜、魚翅、烏參、甜品及飲品等，選擇豐富，而且大部份菜式，定價都算親民，幾十蚊已經有交易。另外茶/水價就每位 $10、餐前小食 $10。蘇式鮮肉小籠包 ($48) 是店中名物，每次去「王家沙」都例必會點吃，今次當然亦不例外。小籠包一客有五隻，上桌後率先挾起一隻細看，雖然不算皮薄，但食落湯汁濃鮮，鮮美可口，而且餡料豐富，令人齒頰留香。韮王炒鱔糊 ($118) 是老公至愛，鱔絲上檯時香噴噴，條條長短相若，而且均勻地沾上濃汁。馬上挾起嘗一口，肉質爽滑，軟腍不霉且略帶魚鮮，食落完全不腥；而沾
新舖座落於黃埔新天地享膳坊，餐廳跟銅鑼灣店一樣，走年輕人路線，門面以半落地玻璃作設計，光猛開揚，感覺通爽不逼。入面嘅花花牆身飾有雀鳥和蝴蝶，以突出花樣年華的主題，配上一室舒服的梳化座椅，裝潢既高貴又優雅，令人耳目一新。
安座後先拿起點菜紙逐一細看，項目包括有涼菜、點心、湯羹、小菜、江河海鮮、飯麵、蔬菜、魚翅、烏參、甜品及飲品等，選擇豐富，而且大部份菜式，定價都算親民，幾十蚊已經有交易。另外茶/水價就每位 $10、餐前小食 $10。
蘇式鮮肉小籠包 ($48) 是店中名物，每次去「王家沙」都例必會點吃，今次當然亦不例外。小籠包一客有五隻，上桌後率先挾起一隻細看，雖然不算皮薄，但食落湯汁濃鮮，鮮美可口，而且餡料豐富，令人齒頰留香。
韮王炒鱔糊 ($118) 是老公至愛，鱔絲上檯時香噴噴，條條長短相若，而且均勻地沾上濃汁。馬上挾起嘗一口，肉質爽滑，軟腍不霉且略帶魚鮮，食落完全不腥；而沾著的醬汁，味道亦鹹中帶甜，香濃惹味，用來佐飯一流！ 
有餸當然要配飯，選了一客石鍋鮑魚飯 ($128)，隻鮑魚雖然唔算好大，不過個賣相都幾煞食。先咬開鮑魚一嘗，肉質軟腍濃郁，具嚼感。飯加左鮑魚汁、冬菇、雞粒和瑤柱絲等一齊炒，加上用石窩的高溫將飯粒烘至乾身，所以吃起來特別濃香惹味。
食完咁多濃味野，當然要揀番碟菜中和下，點了薑汁芥蘭 ($72)，芥蘭炒得條條翠綠，入口既爽脆又鮮嫩，正。
飯後甜品自然亦不能少，選了這客京式甜點高力豆沙球 ($56)。豆沙球呈金黃色，外形圓渾，面頭撒滿砂糖，賣相誘人。咬開試試，蛋白入口柔如棉花，細意咀嚼還有輕微的彈性，中間豆沙餡分量雖然不多，但食落甜得來又不涸喉，更沒滲出半滴油，令人吃不停口。整體來說，這晚所點的幾款菜式，味道都唔錯，價錢合理，服務到位，難怪臨走前見餐廳已經幾乎坐滿客。
張貼
