台北人

營業中

休息中

我不嬲都好鍾意食台灣菜 今日去咗位於佐敦嘅台北人居酒屋度食晚飯餐廳有便當套餐選擇 會跟埋嘢飲 可以揀紅茶或者冬瓜茶我地叫左個排骨酥便當同鹽酥雞便當 炸香咗嘅排骨同鹽酥雞好有台灣風味 唔會太乾又香口 便當用上珍珠米 所以口感會更加好 仲有啲粉絲同半隻滷蛋放面另外叫咗四款小食花枝排 新鮮炸起 炸粉又唔會太厚 食到一粒粒嘅彈牙既花枝肉肉鬆蛋餅 蛋餅煎香咗包裹咗好足料嘅肉鬆 所以好滿足梅粉地瓜球 地瓜球裏面仲有啲番薯蓉 口感煙韌得嚟會比喺台灣夜市食到嘅稍為結實臭豆腐 夠臭夠香脆 不過就切咗粒 不過冇喺台灣夜市食嘅咁大舊 側邊仲配埋酸菜