燈籠滷味 T.P.E. (M88) (已結業)

太耐冇去旅行，對啲異鄉食物特別掛念。今日去咗中環燈籠滷味食台灣嘢，一解思鄉情懷坐低睇吓餐牌，有一個好特別嘅Crossover，係同香港一間超過半世紀嘅蔗汁舖聯乘：公利蔗汁舖，聯乘嘅食物係蔗香牛肋條飯。雖然係混和咗蔗汁，但食落又唔會過甜，飲落喉嚨好舒服。牛肋條炆到好淋好入味，再加上蘿蔔同冬菇都吸收哂牛肋條嘅肉汁，反而更搶鏡朋友叫咗師大豐沛雜錦滷味配王子麵，滷味種類超多，有豬頸肉雞中翼豬大腸雞腎豆乾甜不辣等，各種滷味嘅鹹道不一，應該係分開嚟滷嘅結果。有啲需要時間耐啲有啲就唔使，食落都各有特色，好豐富好抵食前菜就叫咗我最鍾意嘅皮蛋伴豆腐，再加上台式嘅醬油，少少木魚片同肉鬆，混合之後就充滿台灣嘅味道，食唔停口飲品都叫咗台灣特色：包括黑糖珍珠奶茶同酸梅湯山楂綠茶。前者珍珠有咬口，黑糖有少少焦香味道，同埋感覺健康啲。另外一杯就比港式嘅酸梅湯多咗一份綠茶嘅清香，個組合都幾特別，飲落都唔錯明顯睇得出餐廳好花心思去裝修，打卡位又多，食物水準都貼近台灣口味，值得幫襯😋👍