台灣郎 (已結業)

上次男友請我食，今次到我請返未來老公食喇。講緊既就係天后呢間台灣郎。鎢絲燈，好文青喔。圖文並茂餐單易揀野食公雞碗好別緻!最後我點左個最愛的台灣紅燒牛肉麵。大大舊紅燒牛肉，入口啖啖都係肉，份量都唔少。而且口感好有層次，湯底味道香濃，除了有紅蘿蔔，原來仲有白蘿蔔。<<台南魯肉飯>>滷肉汁出色，魯肉大大粒，肥瘦均勻，口感唔錯，飯都好軟韌，又夠熱。<<高雄夜市蚵仔煎>>大大塊，蚵仔份量多，跟蛋的比例恰到好處，入口好香蚵仔香。台灣餐廳當然唔少得台灣飲品，而且呢度種類多，配合返台灣美食真係剛剛好。