莆田 (美麗華廣場2期) (已結業)

食過返尋味指數：🌕🌕🌕🌖🌑美麗華2期2樓，環境乾淨企理，而且人流唔大，上黎搵食都真係唔錯嘅選擇。莆田內部裝修光線充足，睇落好乾淨，位置又好闊落，坐得舒服。蟶子選擇都真係唔少，選擇困難之下，一次過點左兩樣。蒜蓉蟶子真係冇得輸，大份得黎又好味！炒米粉調味做得唔錯，而且唔會過乾。苦瓜係我最愛，有生苦瓜嘅苦味，加dd糖漿好爽口，而且覺得自己好似好健康咁。扁肉湯真係回味無窮，湯底有DD傑，酸酸地好開胃，而且D雲吞皮非常薄，好易入口。