麵屋一燈 (已結業)

平日下晝經過餐廳都會見到有人排隊，今日下午兩點經過見到無人就入咗去試試。入面唔係太多人，裝修係典型日式風格，好舒服。一直好回味日本試過嘅柚子味拉麵，香港又甚少遇到，見到個餐牌有就即刻點咗。個麵好快就上啦，個賣相好吸引，個蛋同埋個筍都唔錯。柚子味道相當酸，蓋過咗湯底原本嘅味道，可能有人會唔中意，但係對於一向鍾意食酸味嘅我嚟講就好正啦，有好 Fresh 嘅感覺。如果唔係因為見到無人排隊，我都唔會發現呢度有我想食好耐嘅柚子味拉麵，之後一定會再嚟食。