栢檔極品海南雞飯

營業中

休息中

海南雞飯，每一間都唔同，係今日，我食左一間好味既海南雞飯。栢檔海南雞飯。間鋪頭好細，因為佢已外賣為主。雖然有堂食，但得個四個位度，仲要坐高櫈仔，坐得唔舒服。間野都唔夠環保，主要做外賣，連堂食都係用外賣盒裝。主打海南雞，可以叫套餐或者單叫海南雞飯，套餐貴$10 ，但係包埋一碟油菜同埋嘢飲。$52 有海南雞飯加油菜加嘢飲，唔算貴啦，我揀左套餐。坐係高櫈仔上面，不消三分鐘，套餐就預備好啦，要自己出去拎，都係行幾步。會有三種醬汁分別奉上，黑紅綠，分別係海南雞特製嘅豉油辣椒醬同埋蔥油。個人比較鍾意佢嗰隻甜豉油，將佢點落啲雞肉，再有啲甜豉油滲透落啲香油飯到，真係好好味呀。當然其他兩隻醬汁都唔差。海南雞嘅份量都算多，重點就係啲雞真係好滑，就算食雞胸都覺得滑。咁滑既雞應該係取決於佢係煮嘅過程用嘅溫度同時間，掌握得幾好。總結：一定會再去食，因為栢檔海南雞飯真係幾好味，唔想坐得咁辛苦嘅話，可以叫外賣，返屋企或者公司慢慢嘆。