山翠熟成牛料理 (已結業)

經同事介紹，嚟到呢間食午餐，話說有同事連續食咗三日🤣 到底真係咪真係咁吸引，等我又試吓先。間野雖然係K11商場, 但係商場嘅角落位，算係比較難搵，如果你平時淨係行街根本就唔會發現呢間野。Lunch Menu有好多唔同嘅牛部位俾你揀，而我就揀咗雜錦熟成牛肉料理$158，一次過可以試晒所有Menu上嘅唔同部位嘅優質牛牛🐮淨係睇賣相都流口水，雖然份量係少啲，但牛嘅質素絕對唔輸蝕比高級扒房，牛肉十分嫩口，又juicy. 我就最鍾意牛腰部份雖然份量就少咗啲，但勝在有質素，少食多滋味，如果男生唔夠飽的話，可以免費添飯哦。