喜聚燒 (已結業)

心血來潮想食雞煲，但想食的都book唔到，聽同事推介去了她的飯堂，尖沙咀的喜聚燒。餐廳是小店，但牆上都畫左有日本風情嘅壁畫，有富士山和鯨魚，尤其係啲燈，盞盞都好有特色。餐單選擇好豐富，豬牛羊雞海鮮類串燒，仲有丸腸餃類、瓜果等，分好晒類。菜鑊仔麻辣雞這個是同事推介的招牌必點，雞真係無推介錯，好好味！送酒一流！雞肉用上了新鮮雞，所以入口嫩滑，重點在醬汁，麻、香、辣恰到好處，洋蔥、芫荽、辣椒等炒成的秘製醬汁，令人越食越想食，男友話想要打包走返去送白飯！最後食到渣都無剩。芝士燒珍寶大扇貝滿滿的芝士很creamy，扇貝鮮甜肉厚。沙嗲燒厚魚肚出面少食到的串燒，沙嗲味甜甜地好濃，魚肚爽彈有咬口，吸盡沙嗲汁精華，推介！海鹽燒牛舌夠厚又夠大塊，口感軟嫩，簡單鹽燒就食得出牛舌之肥美。燒黑啤牛仔骨十分肉厚的一件骨，黑啤已經入晒肉味，肉鬆化又不失咬口，越食牛味越出。孜然燒茄子多汁又嫩滑，少許青葱和孜然便帶出了茄子本身的鮮味。燒玉桂焦糖金菠蘿是必食之選。上枱時玉桂飄香，焦糖令其外面添了一層薄脆口感，菠蘿入口更見香甜。小小的店，大大的驚喜，這裏的出品食得出係誠意之作，味道出色，食完即刻有回頭再食的衝動。