八海山

營業中

休息中

之前見到介紹話依度多日本人嚟食，本住一試無妨嘅心態嚟試下，果然係一間頗正宗嘅日式居酒屋，隔離一枱全部都係日本人，對食物都多咗一定信心~ 刺身沙律🥗角切刺身鋪滿沙律，配上開胃嘅沙律汁，份量多之餘亦都好新鮮，抵食！ 日本鱸魚🐟餐廳不時都有日本飛機貨，今次有日本鱸魚，單睇精緻嘅造型就已經非常吸引，薄切鱸魚極富鮮味，肉嫩，厚度均等，可以沾蘿蔔蓉、薑蓉一齊食👍雜錦天婦羅🥢雜錦天婦羅包括蝦、南瓜、蕃薯、茄子、冬菇，南瓜，粉漿薄薄一層非常鬆化，沒有多餘嘅油份，難得地輕盈唔油膩，南瓜同蕃薯味道香甜，超級好食😋玉子燒🍳玉子燒口感鬆軟，係日本家庭風味~高菜炒飯🍚一嚟到就聞到芝麻嘅香氣，炒飯入面有雪菜、芝麻、白飯魚仔，日式雪菜冇中式雪菜咁鹹，大量芝麻亦令炒飯嘅味道昇華!