漢堡王 (已結業)

上個月先呢度食過burger，今日我又心郁郁想食。就黎返呢間，呢間坐出面可以望到街景。我想買野食個陣，個小姐俾左個餐牌我睇，不過我今次都係想食芝士華堡餐。芝士華堡一送到我手，個包好夠熱，即叫即整就算真耐都值得既。個包好多料，有蕃茄、洋蔥、青瓜、芝士、牛肉等。樣樣都咁好食。特別係牛肉，肉質鮮嫩又夠juicy。絕對唔係M記既貨色。當然，最今令我印象難忘既係好強烈既洋蔥味，我唔知點解好鍾意呢種味，感覺好似食緊生既洋蔥。但又幾好食，而且呢種味係burger king獨有既。薯條表面上無乜特別，但我好鍾意食。因為佢地唔係落得太多鹽，所以唔會食到成口鹽。而且大部份既薯條都好脆，無乜邊條係好淋。再加埋黑椒就更好味，而呢黑椒味好強烈，有小小辣架。唔似得M記得個樣，但黑椒味就無乜。次次黎都咁好食，有一必有二既。此外，呢度既服務大使好好人，會幫你捧餐去你個位到，認真唔錯。