津味雲吞麵 (已結業)

上網睇話搬左之後唔好食，但係我都忍唔住拉左佢入去試下。今次係佢搬左之後我第一次入去食，張餐牌上面依然係咁平，叫左幾樣以前成日食既野。重慶酸辣粉、韭菜豬紅蘿蔔、勁辣魚旦，豆卜串…個fd都係叫左個重慶酸辣粉。酸辣粉冇乜點變，大大碗，多花生，酸辣。韭菜豬紅蘿蔔，幾入味，蘿蔔好甜，豬紅好食過車仔麵檔。勁辣魚旦呢…其實都係好好食，一樣彈牙，一樣咁爽口，唔粉，咬到入去都有食到辣味。個fd話佢中意食個酸辣粉，多花生大碗又抵。我諗下次係佢拉我入去食，唔係我拉佢入去！勁辣魚旦，我下次再番黎搵你啦！