滿屋日本料理 (已結業)

首先今日我同班friends去左尖沙咀滿屋食日式放題，然後一去到我就點左大量三文魚同埋甜蝦及其他刺身，另外點左焗𧐢同埋蒜香牛柳粒。刺身方面：刺身拼盤好靚、啲刺身好新鮮。我個人認為甜蝦最好食，另外焗𧐢賣相好吸引而且味道更加美味，原因有好多芝士，而蒜香牛柳粒不會太大件，容易入口。之後係食野過程中，我個朋友介紹我食香煎銀鱈魚，我覺得呢款食物特別令我深刻，因為其實本人間中會玩下煮飯仔，我都有試過煎銀鱈魚，不過個分別係天淵之別。呢間餐廳好食10倍，去到必點既一款菜式。之於甜品就有焦糖布丁、朱古力布丁、曲奇蛋糕、豆腐花同雪糕。最後服務員既態度良好，我好幾次張放題紙無寫到枱號，啲員工都好有禮貌提醒我寫返。其次上菜時間快、經常自動自覺為客人加茶。整個餐廳既氣氛令我食得好舒服，而且食物種類甚多同高質，唔怕食呢食去都係個幾種，適合一大排friends去食，值得去嘗試👍