影片
更多
2016-11-02
328 瀏覽
聽同事提起「周記」好多次，卒之搵到一日夾齊成team人一齊由公司飛的過西環食個lunch。舖仔雖小，但點心就有好多選擇。同事極力推薦芝麻蝦多士，嘩！一上枱，完全顛覆左蝦多士響我心目中既形象！厚厚既蝦膠配上薄薄一片，兼炸到好脆但又不油膩的多士，頂級好味！一碟四大件，都只係$35，真係攪蝦膠既手工錢都唔止。一班同事叫左幾廿碟點心，基本上樣樣都好好味，特色推介黑松露湯餃。個湯真係充滿黑松露味，忍唔住成碗乾左。同事一直叫我要留肚試西多，我地點哂兩款奶黃流沙和香芋流沙。兩款都勁正。香芋味道好濃但又唔會太甜；而奶黃流沙食到好多鹹蛋黃響入面，感覺似食緊某某酒店受到熱捧的奶黃月餅。好味！值得一讚的，係lunch時段，全場爆滿，門口仲有一大班人排緊隊，店內得兩位姐姐做野，但上菜、加茶、招呼完全無問題，速度亦好快。仲送左碟怪味拍青瓜俾我地食添！
同事極力推薦芝麻蝦多士，嘩！一上枱，完全顛覆左蝦多士響我心目中既形象！厚厚既蝦膠配上薄薄一片，兼炸到好脆但又不油膩的多士，頂級好味！一碟四大件，都只係$35，真係攪蝦膠既手工錢都唔止。
一班同事叫左幾廿碟點心，基本上樣樣都好好味，特色推介黑松露湯餃。個湯真係充滿黑松露味，忍唔住成碗乾左。
同事一直叫我要留肚試西多，我地點哂兩款奶黃流沙和香芋流沙。兩款都勁正。香芋味道好濃但又唔會太甜；而奶黃流沙食到好多鹹蛋黃響入面，感覺似食緊某某酒店受到熱捧的奶黃月餅。好味！
值得一讚的，係lunch時段，全場爆滿，門口仲有一大班人排緊隊，店內得兩位姐姐做野，但上菜、加茶、招呼完全無問題，速度亦好快。仲送左碟怪味拍青瓜俾我地食添！
張貼
