鮨川 (已結業)

我對廚師發辦真係冇乜抵抗力🥰喺網上見到鮨川雖然開咗冇幾耐，就有唔少好評，就決定叫埋朋友一齊去試！好彩味道都冇令我失望！首先係前菜，估唔到前菜都令我幾有驚喜。先食海膽，係好鮮甜嘅味道🤘🏻再食煙鴨胸，佢配以特製嘅醬汁，鮮甜之餘又有肉香。最後食最濃味既芝士西京燒，呢舊真係不得了！絕對令我上癮😆好少食到咁濃咁香嘅芝士！壽司包括左口魚，真雕，眼仁奈，粒貝，深海池魚😋每一款都好新鮮，肉質厚實👍🏻粒貝就夠曬爽口，完全滿足我呢個魚控！當日本來個料理係海鰻天婦羅配清蔥汁，但係我唔識炸物，所以就換咗鵝肝😋個醬汁超級香濃👍🏻肉質好軟稔，而且份量好大份呀！接落嚟又係壽司嘅環節，其實我食到呢度已經飽飽地啦🤣油甘魚，牡丹蝦，喜之次，赤目左口魚邊，款款唔錯嘅，部分魚類炙燒過後，味道更香更濃。最後係鮑魚清湯同香甜蜜瓜，係圓滿嘅句號！