泰金國 (已搬遷) 新店位置

呢間九龍城泰國菜都好出名，平時都排好長龍，今次就同朋友等左一個鐘左右。入到去店員就會同你講有限時既，而且落單係一次過。因為好餓，我地即刻就落左6樣野喇，咁我就推薦我最中意果幾樣。首次就係泰式鳳爪，味道好好，但就有啲辣。泰式冬陰公睇個樣都見到好足料，酸酸辣辣好開胃，仲飲到好重椰汁味。椰汁沙冰我覺得好好飲，好有泰國既味道，因為佢有咸咸地既味。燒牛肉呢間既燒肉好出色，佢燒到岩岩好，好惹味，牛肉好嫩，好好食，另外仲嗌左個燒豬頸肉都好好食，但無影到相。整體黎講，啲食物都好高質，好地道，價錢也親民，就算要排隊都好想再去。