Sup 1 (已結業)

一向都經常幫襯，通常會叫牛腹腔、燒乳豬、海南雞飯同埋意粉（值得一提係任何一款意粉都好好味），今次想食啲未食過的。平時都會叫拖羅刺身，今次食拖羅壽司，黃經理叮囑不用點任何汁，直接食落口，果然有驚喜，超好味。跟住就上新款野，左口魚壽司加紫菜底，口感好豐富。再黎就係豬肉卷糖心蛋，中意食蛋既朋友仔，我建議呢個係必食。跟住食個浸瓜子魚，同以往一樣，滑溜到呢！都唔使幾分鐘已經食哂，但要留肚食下一味菜，如果唔係，叫碗白飯撈汁係絕配。最後一味，係想試好耐既斧頭扒，一個字：掂！ 簡直無得輸，唔太肥但有 黐住少少肥，好juicy，佢地仲好有heart幫我起埋骨邊既肉，建議有4人先好叫，唔係食唔哂，記得係要試早order。其實已經好飽，但呢度自製既甜品同蛋糕實在太過出色了，又怎能放過呢？好多新款串燒，大家可以去試試。值得一提， 呢度個個都好有禮貌同好有heart，招呼非常好，喺呢度食飯會覺得好開心的。