Poseidon Restaurant & Bar (已結業)

今日放工去左尖沙咀輕食一下，簡左一間叫Poseidon restaurant & bar試一試佢。坐低首先叫左杯野飲先，我簡左我不嬲最中意嘅Pina colada。Pina colada 係沙冰底，菠蘿味加椰子奶果然係絶配，好有夏天嘅味道。今餐無食好多野，只係叫左個鱘魚黑魚子三文魚他他同芝士肉醬牛油果薯條。他他個外觀已經夠吸睛，底層白色嘅係酸忌廉，深紅色嘅係切碎左嘅紅菜頭，之後再上一層係三文魚三文魚他他，最多就鋪滿咗䲖魚黑魚子。味道食落好開胃，紅菜頭配搭酸忌廉令到紅菜頭少咗一啲草青味。成個菜式亦都好有違和感，因為所有材料都切得差唔多大細，睇得出係心機之作。另外牛油果薯條就大大碟，我都差啲食唔晒，薯條係偏粗嗰種，炸得卜卜脆。牛油果醬加肉醬又係另人一試再試嘅組合。感覺餐廳係有心嘅餐廳，下次我會再約朋友過嚟食多幾樣野。