影片
更多
2022-06-04
985 瀏覽
喺商場揾嘢食期間... 見到「圍威喂」個名好特別... 感覺幾有親切感!上緊四樓扶手電梯已經俾佢耀目嘅裝修吸引住... 一幅鮮黃色店舖外牆... 印咗餐廳logo... 我覺得呢個logo設計得幾好... 好似號召緊大家一齊入去圍住食吓嘢、吹吓水咁!🤭環顧店面... 裝修明亮帶朝氣... 簡潔中見細節... 而海藍色嘅瓷磚同檸檬黃色嘅梳化非常搭配... 好sharp好醒神! 食物方面... 選擇頗多! 有2人餐、4人餐... 甚至素菜餐單... 照顧唔同人士嘅需要! 我同朋友今晚order咗呢d👇🥗 泰式軟殼蟹青芒果沙律 $98軟殼蟹炸到金黃香脆... 由青芒果絲、甘筍絲、沙律菜、車厘茄組成嘅沙律非常清新爽口... 平衡咗炸物嘅油膩感... 係前菜嘅好選擇!🦐 扎扎跳手打蝦餅 $68有3嚿炸蝦餅... 大小適中... 由於係手打嘅關係... 食落特別彈牙... 係食泰菜必叫嘅小食!🐷 燒豬頸肉 $98 豬頸肉燒出嚟好香口... 配埋酸辣汁非常惹味!🐔 冬蔭公單骨雞翼 $68個人覺得呢款小食好抵食... 份量足之餘... 仲要係好好食! 冬蔭公味嘅雞翼好特別... 冬蔭公味道唔會太搶
上緊四樓扶手電梯已經俾佢耀目嘅裝修吸引住... 一幅鮮黃色店舖外牆... 印咗餐廳logo... 我覺得呢個logo設計得幾好... 好似號召緊大家一齊入去圍住食吓嘢、吹吓水咁!🤭
環顧店面... 裝修明亮帶朝氣... 簡潔中見細節... 而海藍色嘅瓷磚同檸檬黃色嘅梳化非常搭配... 好sharp好醒神!
食物方面... 選擇頗多! 有2人餐、4人餐... 甚至素菜餐單... 照顧唔同人士嘅需要!
我同朋友今晚order咗呢d👇
🥗 泰式軟殼蟹青芒果沙律 $98
軟殼蟹炸到金黃香脆... 由青芒果絲、甘筍絲、沙律菜、車厘茄組成嘅沙律非常清新爽口... 平衡咗炸物嘅油膩感... 係前菜嘅好選擇!
🦐 扎扎跳手打蝦餅 $68
有3嚿炸蝦餅... 大小適中... 由於係手打嘅關係... 食落特別彈牙... 係食泰菜必叫嘅小食!
🐷 燒豬頸肉 $98
豬頸肉燒出嚟好香口... 配埋酸辣汁非常惹味!
🐔 冬蔭公單骨雞翼 $68
個人覺得呢款小食好抵食... 份量足之餘... 仲要係好好食! 冬蔭公味嘅雞翼好特別... 冬蔭公味道唔會太搶... 雞中翼炸到好香脆可口... 而且對半切開方便食用... 女士們點呢款小食嚟食都唔怕失儀!
🦀 紅咖喱軟殼蟹 $128
份量好夠... 有2隻炸軟殼蟹... 配料有茄子、粟米仔、豆角、車厘茄! 紅咖喱汁香而不辣... 我用淋落炒飯一齊食... 食到lam lam脷!😋
🍚 招牌泰皇蟹肉炒飯 $98
除咗蟹肉同飯... 配料有紅葱頭、豆角同蛋! 炒飯炒出嚟夠乾身... 而且粒粒分明... 好有鑊氣! 另外... 隨附既泰式辣汁... 少少辣... 好惹味!
🍹 榴槤忘返在馬拉 $38
呢款特式飲品係蔗汁入面放咗嚿去核榴槤... 我鍾意蔗汁嘅清甜... 又鍾意榴槤嘅香濃... order一杯完全滿足我2個願望!
整體而言... 呢間食店保留咗傳統泰式/東南亞菜式風味... 又敢於創新! 食物及環境質素非常唔錯... 價格好合理... 係值得幫襯嘅食店!
1 瀏覽
0 讚好
0 留言
張貼
