鳴橋燒肉料理 (已結業)

最近工作好忙，終於見到啲成績。朋友話不如一於慶祝下，於是我哋決定嚟食鳴橋燒肉。一入到黎先知道原來係刺身同燒肉都有得食，超級開心。店員同我地講話加＄40仲可以食埋果六款特色食品，有大虎蝦、帆立貝、牛肋肉、刺身帶子、馬刀貝同埋羊架，還掂都係啦加＄40又有乜所謂。等咗一陣，刺身上碟，都算幾肥美，甜蝦同刺身帆立貝都好有質素。肉類方面，好多肉都有得揀，我哋揀咗好多唔同款式嘅牛肉。我覺得最出色嘅係牛肋肉同埋一口牛粒。呢兩款肉都好香嫩，牛肋肉厚薄均勻；一口牛肥瘦均勻一啖擺入口，肉質同牛油溝埋一齊，非常好吃。羊架係少有嘅出色，唔會話太蘇又唔會好膩，可以食到一至兩件。其實海鮮都唔錯，蝦肉好甜，帶子夠肥厚，食咗好幾轉。唔記得講，佢啲雞軟骨都值得食，唔使點淹燒完都好香。呢餐真係值回票價。