日暮家 麵匠 (已結業)

雖然係名人食店，今次第二次光顧，真心係為左佢嘅拉麵，因為自己係非常喜愛日式拉麵，第一次食完一直念念不忘，襯今日冇咁熱，有少少風，再次回味一下日暮家拉麵嘅美味道。因為仲係新開業期間及名人效應嘅關係，起碼要排個半鐘先有得食，唔好彩的話可能截埋龍，所以有興趣試下嘅朋友要留意。個人推介日和拉麵，濃濃的雞白湯，另人一試難忘，真係食過返尋味。而佢期間限定的檸檬蜆貝拉麵就好清新，適合唔想咁濃味嘅朋友。可惜今日溏心蛋太快賣晒，美中不足。