黑木 (已結業)

香港人如果想食韓國菜大多都會異口同聲講到金巴利街，因為當中眾居了不少韓國人之外，他們亦開了不少正宗韓國菜餐廳。但估唔到今次同朋友經過金巴利街，當中卻發現一間隱世日式居酒屋。走進充滿神秘感的木門後，就係裝潢相當和風格調的日式居酒屋。當中餐廳串燒食物選擇很多，而且大多都十分地道，而今晚我同朋友就坐吧枱位置，就可以同師傅再多一點交流。安格斯牛小排先來就是安格斯牛小排，肉嫩多汁，相當有牛肉味道。白鱔呢個白鱔真係燒得相當出色。白鱔厚身之餘，表皮亦燒得香脆。牛舌呢個必點串燒之一，首先厚切牛舌已經好吸引，而且牛味突出，而且口感爽嫩並重。紫蘇雞肉燒雞肉串表面鋪了一塊紫蘇葉，食時紫蘇味道很突出，令到雞肉串味道更有層次。而且雞肉亦相當滑溜，不錯。沖繩豚手必點菜式之一，食完之後亦相當回味，因沖繩豚手預先低溫慢煮再燒，故食時豚手肉質超級軟滑，且加埋佢嘅醬汁一齊食相當惹味。