千樂燒味餐室 (已結業)

今日中午出銅鑼灣工作，快快手做完之後又去千樂食燒鵝😂😂😂😂😂😂😂😂香港人食燒味呢樣野真係一排無食，個心會羅羅亂所以結論係 燒味係一定有得做！！今次又食叉鵝飯，叉燒食半肥瘦用中國豬燒既真係好食過用什麼黑毛豬燒既！啖啖油香、微焦味，正！呢度燒鵝係必食，d鵝油香到，配飯真係食唔停口！塊鵝皮又脆，點埋梅子醬👍👍👍👍👍👍食完真係大滿足！一間咁正既燒味鋪中午都坐唔滿，何況其他食肆只能講句香港人加油！