影片
更多
2020-02-03
112 瀏覽
近日社會嘅氣氛唔好都令到我心情好差見今日星期日無咩做就約左果好耐無見嘅朋友岀黎食番餐 平衡一下心態網上見佢野食賣相同評價都唔錯 就兩個人上黎試一試 一入到去店員就帶左我地入座 環境寬敞 枱同枱之間都有啲距離唔會話聽到隔離枱講咩<第一道 大根沙律>第一個餸我地叫左個沙律開開胃 蘿蔔絲配合青瓜相當爽口 加埋下面類似壽司醋味道嘅酸甜醬汁 淨係聞到都口水流晒 食完呢個沙律真係可以食多好多野<第二道 刺身拼盤(梅)>刺身好多時都講求新鮮同埋時令 因為時令先可以令魚嘅肉質發揮得最好 今次嘅刺身有四款 而當中嘅鰤魚同紅鯛最為岀色 紅鯛食落鮮甜爽口 鰤魚魚味十足 油脂分布平均 真係好難形容<第三道 香蔥吞拿魚腩蓉薄脆>呢個算係一個幾特別嘅菜 叫嘅時間都係抱住試新野嘅心態 食落真係不得了 佢個薄脆唔係預早整定係你叫佢先放落去炸 上枱果時仲係熱嘅 配合凍嘅吞拿魚蓉 有一冷一熱嘅口感 而且魚肉鮮甜味經過左薄脆之後更加特岀(個薄脆真係好似平日食嘅米通)<第四道 牛油果彩虹卷>聽店員講好多客黎到都會點呢個 作為一個為食嘅人聽到店員咁講一定要叫黎試下
見今日星期日無咩做就約左果好耐無見嘅朋友岀黎食番餐 平衡一下心態
網上見佢野食賣相同評價都唔錯 就兩個人上黎試一試 一入到去店員就帶左我地入座 環境寬敞 枱同枱之間都有啲距離唔會話聽到隔離枱講咩
<第一道 大根沙律>
第一個餸我地叫左個沙律開開胃 蘿蔔絲配合青瓜相當爽口 加埋下面類似壽司醋味道嘅酸甜醬汁 淨係聞到都口水流晒 食完呢個沙律真係可以食多好多野
<第二道 刺身拼盤(梅)>
刺身好多時都講求新鮮同埋時令 因為時令先可以令魚嘅肉質發揮得最好 今次嘅刺身有四款 而當中嘅鰤魚同紅鯛最為岀色 紅鯛食落鮮甜爽口 鰤魚魚味十足 油脂分布平均 真係好難形容
<第三道 香蔥吞拿魚腩蓉薄脆>
呢個算係一個幾特別嘅菜 叫嘅時間都係抱住試新野嘅心態 食落真係不得了 佢個薄脆唔係預早整定
係你叫佢先放落去炸 上枱果時仲係熱嘅 配合凍嘅吞拿魚蓉 有一冷一熱嘅口感 而且魚肉鮮甜味經過左薄脆之後更加特岀(個薄脆真係好似平日食嘅米通)
<第四道 牛油果彩虹卷>
聽店員講好多客黎到都會點呢個 作為一個為食嘅人聽到店員咁講一定要叫黎試下 一般卷物入面都係包裹住魚生或者其他配菜 食落口第一啖就知道有咩唔同 入面包住嘅係小青葱 魚肉比牛油果同青葱上下夾住 食落口口感十分特別 既有魚肉嘅軟嫩 又有青葱嘅爽口 還後仲有牛油果嘅綿滑 食完三舊完全唔夠
<第五道 鮟鱇魚肝豆腐>
食落口感酥脆 入面嘅豆腐炸過之後依然保持嫩滑
而且下面個汁 配合上豆腐 有帶岀豆腐原本嘅豆香
<第六道 竹海老天婦羅烏東>
最後我地叫左個烏東作結 睇落平平無奇嘅烏東 食落真係完全睇得岀細心 先講炸蝦天婦羅 佢地嘅海老炸完之後依然保持濕潤 而最重要嘅係佢地炸到連蝦尾都脆到可以食 加上個手打烏東 真係作為一個好好嘅收尾
<甜品 木瓜奶凍>
本來食完烏東已經好滿足 但同行嘅朋友想食多個甜品 於是我哋就叫咗個木瓜奶凍 木瓜味香濃 奶味亦好足 無咩好挑剔
~~~~~~~~~~~~~~~~~~~~~~~~~~~~~~
推薦各位鍾意食日本菜又對淨係食黎食去都係連鎖壽司店嘅你一試 食完包你為之一振 對日本菜有一個新嘅睇法 我仲有好多野未試 有時間一定再去
張貼
