美味廚 (已結業)

(9/10/08)細個時黎食過佢既排骨菜飯,印象難忘,今日提議同舊同學黎呢度。三個人叫左好多o野。排骨菜飯、牛腩麵、椒鹽鮮魷、雞絲粉皮、沙鍋雲吞雞、松子魚。菜飯好少菜,排骨(其實我覺得叫豬扒適合d)依然好正…..~!牛腩麵,牛腩好腍,以上兩樣,醃味都好o岩我胃口!椒鹽鮮魷,魷魚無味,得d粉漿,不濟。雞絲粉皮,麻醬中還有芝麻,所以更香。雲吞雞,一般,雲吞餡主要是菜,無咁膩。松子魚好出色!!除左魚算新鮮,及炸得香脆外,個酸汁仲有海參粒,好矜貴啊!食到七七八八,點解特然冷氣咁大風咁吹落黎呢?我地覺得這是趕客手段。八點幾,外面仲有人等,但係店內仲有兩「吉枱」wor,洗唔洗咁做呀!?