甘味讚岐手打烏冬 (已結業)

以前屯門都有甘味嘅時候，我同朋友真係經常食，自從冇左我地都好耐冇食，今日去元朗先發現原來形點都有，一於回味下。呢度都幾大，位置多，平日都好多人，好在有最後一張枱，我地拿拿聲入座餐牌選擇多，刺身、壽司、小食、炸物；主食有手打烏冬、釜飯、鍋物等等，價錢都好合理，而且仲有D優惠價追加食物，例如沙律、壽司小食同飲品，即使你點熟食，都可以加D壽司過癮下。落單都好方便，同以前一樣呢，喺呢張紙寫低號碼同數量就可以。蟹籽沙律：優惠價追加，簡單好食。唐揚墨魚嘴：以前我都好鐘意食，炸得香脆，墨魚口感煙韌，沾少少沙律醬，正壽司方面點左火炙芝士三色、帆立貝壽司同蟹籽軍艦，火炙壽司有粒細細嘅芝士，幾香口，魚生質素都可以，壽司一口size主食點左吉列豬扒蕃茄烏冬，其實以前我就多數點牛柳粒烏冬，好正架；吉列豬扒都唔錯，性價比都高。蕃茄湯底濃郁，有成三件切開嘅蕃茄，湯頭唔會太鹹，加埋蒜香，好食。烏冬手打，口感煙韌彈牙吉列豬扒香脆，唔會太油，建議盡快食，否則會變得硬D。黑蒜油豬手鍋烏冬係朋友點嘅，店員都有提醒上枱時熱辣辣要小心，烏冬份量足，仲好有蒜油香，配埋豬手片，幾入味呢最後用優惠價追加埋飲品，揀左藍莓椰果梳打，好大