Cafe Charm's (已結業)

自從上次係紅磡食完café charm’s，已經對佢念念不忘，點知原來係深水埗都開左間，於是今晚就係回味下先….比起紅磡分店，這裡店舖環境並不大，但不算太迫，只是不太寬敞。亦由於此，服務非常好。一向都知道Cafe Charm’s既意粉係最出名，可以煮到煙煙韌韌感覺，好有咬口，口感剛剛好。忌廉汁好香滑，唔會太杰太膩，麵上均勻灑上大量鮮味的明太子，每一條意粉都食到，而且味道又帶點辛辣，加埋紫菜絲、咸香既煙肉碎，惹味香口，幾開胃。帶子是北海道刺身級，嫩滑鮮味。半份豬肋骨，肉質軟嫩夠滑又多汁，好容易切開，一下子骨肉就可以分離。薯條係用原個薯仔切條而成，所以薯味香濃又夠粗，新鮮炸起，食落分外酥脆。