十三姨酸菜魚 (Mikiki) (已結業)

$228二人套餐有一大盤酸菜魚，加自選主菜一碟及自選2款小菜，係咪好抵食？ 第一次嚟，環境座位幾寬敞及舒服見到個menu有二人套餐(A+B +C)覺得價錢好親民, 上菜之後見到所有野都大大份就真係開心到嘩嘩聲雖然係二人套餐，但份量及足料程度绝對足夠三個人食，味道又好味，絕對會再嚟幫襯。A. 二選1(可選酸菜魚或蕃茄湯清甜魚)當然揀左招牌酸菜魚啦。二人份量好大盤，而且好足料，魚件係大件厚身啖啖肉又無骨，滑嫰得嚟又吸收哂湯汁嘅酸辣香味，辣度只係少少辣，成個湯底好開胃惹味，勺一碗當湯飯食都綽綽有餘不會嗆喉，正！配菜包括有大量酸菜、萵筍片、芽菜及水晶粉。唔食飯嘅朋友可以食水晶粉，又大條又彈牙，好味! B. 八選一主菜要了口水雞，雞件飽滿多肉，雖然是口水雞，但醬汁以惹味香口為主不會辣得過分，底下鋪了很多青瓜。 C. 小菜六選二大部份係凉伴小菜，亦有雞翼可選，我要了一份擂椒松花皮蛋及蒜茸拍青瓜。皮蛋軟綿綿沒有腥味，伴隨些碎椒粒放入口很清新。紅糖糍杷(4件)外表酥脆酥脆的，但內裡口感煙韌，甜甜的紅糖漿將加上香口的黃豆粉，不經不覺咬了一口接一口，絕對喺出色嘅飯後甜品。