沙田強記雞粥 (已結業)

今日踩完單車 喺大圍交車 已經六點半 知道lee度十幾年前好出名 細個成日嚟食 我都唔知有冇易個手 今日帶咗幾個朋友嚟試吓 算懷緬一吓啦 我哋入到嚟已經要坐樓上 都真係幾多人 由於時間尚早 我哋唔係好肚餓 淨係嗌咗兩隻乳鴿 兩碗雞粥 蒜茸白菜仔 豉椒炒蟶子 唔洗五分鐘就上咗蟶子同乳鴿 果然快得驚人 更可怕已經全場爆滿 連樓上都坐滿 我哋心諗好在上得嚟快 唔係冇得食 蟶子好新鮮同大隻 個豉椒汁都唔錯 乳鴿名不虛傳 值得推介 其後雞粥粥底好綿 好夠味 不愧為鎮店之寶 白菜仔都不錯 估唔到今時今日都仍然好味 但係價錢偏貴 好在好味撘夠 今餐食咗$283