炑八韓烤 (黃金廣場) (已結業)

自從去開嘅數字韓燒食左次任食，發現質素下降，就好耐冇去韓燒。見到炑八愈開愈多分店，就抱住試下嘅心態，點知驚喜無限。首先前菜樣樣都有水準。爐邊蛋加左泡菜。芝士擺得太耐，食唔切，早點食就有拉芝效果。可以添加。但可惜點得太多，太飽了。另外沙律亦好讚，大盤+新鮮，菜砌碎易入口，加上麻醬，真係前菜都食飽。水冷面：成個面好大舊，初初食剪得唔夠碎，唔夠入味，頭嗰碗淡左d。厚五花腩：下半部瘦左d，變左燒完唔係好夠油份，唔夠香口。一般般，下次可能叫薄嘅。大八爪魚：起大隻，百二蚊抵食。而且燒完唔會變硬膠。烤豬皮：有兩塊。豬皮燒完剪碎再點芝麻，非常香口。食第二塊時有少少酸味。不過下次仍會再叫。牛肋骨肉：好入味，二人食份量就太多，食食下有d咸。magic soda：32杯。份量ok唔會飲兩啖就冇。呢杯唔係好甜，但解渴都解辣。總括來講，配菜主菜都出色，價錢都相宜，平日晚上去都好爆，要訂位。希望水準keep住。一定會再去幫襯。要改善嘅地方係抽風方面麻麻，食韓燒預左食完一陣味，但呢次食完係勁大陣味。