焱丸水產 (已結業)

最近好中意食日式既燒水產店，可以同朋友食下水產飲下酒傾下計，岩哂咁熱既天氣！今晚就同朋友黎左銅鑼灣呢間焱丸水產！首先當然要叫個刺身拼盤，呢個刺身七盛包括有吞拿魚腩、三文魚腩、海膽、帶子等！我既最愛係海膽，好creamy又鮮甜！燒白蛤既蛤肉好肥美同新鮮，無加到d咩調味都好好味！日式水產店必食既磯燒，我就簡左蟹味噌磯燒，用日本既松葉蟹膏釀蟹蓋，入面有蟹肉、蟹籽同鵪鶉蛋，燒完再撈埋一齊食係勁正！蟹膏超多味道勁濃郁，中意食蟹既朋友一定唔可以錯過！除左銅鑼灣之外，尖沙咀都有分店，所以十分方便，價錢合理 下次會再黎呢！