祥興咖啡室

營業中

休息中

送完太太係跑馬地返工，有時間係附近食個早餐先自己返工。早上7點，天落緊雨🌧️，隨意泊🚗在小巷，便走入這間老餐廳。還記得20多年前在跑馬地工作，經常在這裹填肚，更不時在餐廳內撞到明星🌟，郭富城、邱淑貞、謝霆鋒、陳奕迅都見過。多年無來，餐廳己重新裝修過。點了個通粉餐，不過不失啦。通粉湯底比較稀，無麼味道，同澳牛、華星無得比，但火腿都幾重手。蛋治就幾好食，雞蛋炒得不會過熟。杯咖啡☕️亦幾香濃。有10多年無來，食個早餐都幾多回憶湧上心頭。