十六座車仔麵

營業中

休息中

遲遲未食晏，行經呢條食街，就入咗去「十六座車仔麵」醫醫肚。餐牌用膠片過膠，蠟筆寫餐，清晰又可循環再用，環保值得一讚。下午茶時間選三餸麵飲品半價，所以我就揀咗金沙青、雞腸、雞翼同鮮榨檸檬汁。飲品先上，檸檬汁咸咸酸酸，和我想想中的有點不同，味道有點似咸檸檬汁，飲到最尾有果肉，但又食唔出係檸檬，整體味道有點奇怪。(6/10分)之後麵都好快上枱，份量極少，拎上嚟麵都睇唔到，啲餸又沉晒咗一半。湯底偏咸，個辣汁都幾香幾好味。麵係九州刀麵，煮得太碎偏淋，口感麻麻。雞腸唔係脆腸，脂肪太多，唔好食。不過，金沙青肉爽、雞翼都入味，算係唔錯。整體而言味道還好。(6.8/10分)舊時嘅車仔麵本應係大份又抵食嘅平民美食，但近年車仔麵入舖賣裝修、賣回憶。呢餐最後埋單54$仲要唔飽，實在有點失落。