松 (已結業)

朋友間好多都好喜歡日本料理，包括刺身、壽司、燒物、串燒等等，但其實香港選擇需多，但其實搵到自己心儀都係好難。而今次見到尖沙咀一間好型格嘅日本菜餐廳食完之後真係覺得好正，好似有回日本的感覺一樣。餐廳内裝潢都有好有日式感覺，燈光柔和，非常舒適。仲可以近距離見到師傅製作食材。前菜裙邊味道帶酸，食完更為醒胃。白粟米一小塊作為另一款前菜小食，白粟米清甜爽口。和牛壽司和牛肉質粉嫩，油花分佈均勻，一睇就知係上等貨式，而食落去和牛滑溜，有淡淡牛脂甘香。蛇腹蛇腹旨是吞拿魚腩最肥嘅部位，見到已經流哂口水，油脂紋理分明，肉質有豐富光澤，而食落口油脂四溢一試難忘。汁燒牛小排牛小排外香內嫩，表面亦感受到大量肉汁，呢個熱食牛味濃郁，真係好好味，非常推介。特上刺身拼盤 松刺身拼盤有多款刺身，包括：拖羅、帶子、牙帶魚、甜蝦、鏗魚等等，而當中選料新鮮，終於食刺身嘅朋友一定鍾意。薑味雪糕食完咁高質嘅食物，當然唔少得甜品啦，而佢嘅薑味雪糕真係相當唔錯，辣甜味道剛剛好唔會互搶而又感受到薑嘅原味。