茴香 (已結業)

今晚同朋友聚會，一行4人，朋友介紹話去山林道回鄉，我心諗回咩鄉啊，食咩家鄉菜，原來係茴香。去到環境都唔錯，仲有outdoor, 但今日有點熱都係坐indoor.我地叫左2個2人餐，包埋半自助餐，都幾抵，因為沙律吧都幾豐富，有蟹腳，煙三文魚，泰式鳳爪沙律，生果盤等等。個set包埋真係幾抵。不過單點加錢都只係幾十蚊，可以再黎。主菜方面，紅蝦意粉一流，蝦汁超濃，片皮鴨Pizza有驚喜，真係好似食緊片皮鴨咁。加$100叫咗條鹽焗鱸魚。店員俾個搥我哋自己卜開條魚，都幾好體驗，魚夠滑夠鮮，最後係黑松露雞卷，賣相都唔錯，幾好味。仲有甜品超好味，仲見到人哋啲cocktail好靚,下次可以試吓。