上海美食之家

營業中

休息中

回鍋肉送白飯加凍豆漿晚餐套餐，只係43蚊，如果改菜飯加幾蚊。真係非常抵食。 小店廚師，清潔，侍應加埋可能得三四個人，有時好忙都唔會點招呼你，但係冇乜問題，因為佢哋好快手，你一落單10分鐘唔使就上菜。 佢都好多餸菜一般上海菜包點都有。 回鍋肉好夠鑊氣，雖然平但係份量唔細亦有好多椰菜，個人比較鍾意食肥嘅回鍋肉👍🏻好好味，不過食到尾就會覺得好多油，隔離枱個男人見到就叫少油，都好多客人食，本來想試吓糖醋魚塊，好彩冇揀錯。重有杯凍豆漿好好飲，好有豆味唔係好甜，唔會覺得佢溝好多水👍🏻，如果唔係用紙杯就更好。之前中午都係去食酸辣雲吞，都好好味㗎。