壽喜燒 友 (已結業)

媽咪話好想食壽喜燒，之前食過銅鑼灣有間好好食嘅壽喜燒，所以特別同佢去試下個$1080晚餐😛。餐廳裝修同擺設好靚，好似入左竹林咁，環境好乾淨🎍沖繩水雲、松葉蟹凍蛋、鴨肉松風、蜜柑寒天：呢個前菜既豐富又好開胃😳媽咪勁愛凍蛋，滑溜又帶清甜既松葉蟹肉味。蜜柑十分開胃，寒天又爽口，講起都流哂口水✅季節料理-吉列甘鯛：甘鯛魚肉鮮嫩，口感豐富，魚肉保持了原有鮮甜味道。外面微微金黃，外酥內嫩，媽咪都大讚好食✅A4和牛 -肉眼，西冷，肩肉：廚師係我地面前燒和牛，燒到香噴噴，咬落熱辣辣，和牛味超級濃郁，非常好味，肉汁軟腍，越咬越多牛肉汁，好食到停唔到手，壽喜燒 友竟然仲有兩款蛋比我哋食和牛，我偏好外觀精美eye catching d 嘅雲朵蛋，唔會搶走咗主角和牛嘅美味✅滑蛋蓋飯：濃濃既滑蛋，再配上海量既蔥同芝麻，香口惹味到不得了！加上軟嫩可口既米飯，十分暖肚✅環境坐得好舒適，仲好靜好有私隱度，今次同媽咪食得好開心，高質又好味😋