金子半之助 (東薈城名店倉)

營業中

休息中

今日好想食日本菜，所以就黎左呢間出名專門食天婦羅嘅餐廳。開放式嘅廚房同日風嘅室內設計就已經留左一個好深刻嘅印象比我。鍾意食魚嘅我叫左個上天丼，個飯黎嘅時候仲熱辣辣添。鯖魚同海老天婦羅嘅外面好酥脆，入面就係香濃嘅海鮮味，外脆內軟，好有層次感，而且仲有豐富嘅蛋白質。溫泉蛋天婦羅就第一次食，咬落去蛋黃都流曬出黎，撈飯食一流。帆立貝魷魚天婦羅餅嘅味道簡直一流，黃金比例，夾埋啲獨家醬汁一齊食，令到味道更加豐富。整體黎講啲天婦羅唔會太膩，醬汁同天婦羅好襯，值得我翻黎幫襯過。