肥哥車仔麵

營業中

休息中

平民界嘅美食-肥哥車仔麵真係冇誇張，星期六日成日大排長龍。唔想去排隊嘅我，揀左平日去食肥哥，一試肥哥嘅拿手車仔麵。鋪面比較細，難怪假日成日要排隊，但想食好野，等下都可以接受嘅！本身唔食辣嘅我，嗌左清湯+響鈴，蘿蔔，豬紅米粉！個蘿蔔超好食，又甜！真係一定要試！好好味呀！響鈴都正！比較特別，我自己食車仔麵好少嗌響鈴食，見到隔離檯有人食得咁滋味，唔執輸都跟住嗌，果然冇失望，真係不得了！好想再食！一定會再encore!