牧羊少年咖啡館 (白楊街)

營業中

休息中

嗰日晚上好得閒,想搵一個地方同朋友可以坐耐啲，所以就去咗呢間餐廳，一入去坐低個環境非常舒服, 燈光比較昏暗，營造左一個浪漫嘅氣氛，地方幾闊唔太迫，坐得舒服。一坐低就叫咗個香辣豬頸肉配牛油果醬、煙三文魚忌廉蘑菇粉同瑪格麗塔薄餅，等左大約10分鐘之後，先有食物到，雖然只係等左一段時間，但係嗰陣真係好肚餓，我二話不說，將豬頸肉點一點牛油果醬，然後再用薄餅包住個豬頸肉一齊放入口，一啖食落去嘅時候個牛油果香味超濃，豬頸肉肉汁滲滿口腔，幾野味。煙三文魚忌廉意粉份量就一般，但係個汁就幾濃郁，啲意粉吸晒啲汁，好入味，如果份量再多少少就非常好。然後到個波餅真心值得推介，餅底唔會太厚，又薄又脆，配料夠多，醬又夠濃，好食個大型連鎖店整嘅Pizza多多聲，價錢一般，性價比高。